30 ga watan Yuni, 2020 – Tashar AREWA24, Tashar talabijin ta Hausa dake kan gaba wajen samar shirye-shirye masu nishadntarwa da nuna tsarin iyali, wadda ke da dakin daukar shirye-shirye a Najeriya dake Yammacin Nahiyar Afirka, tana sanar da wani sabon jadawalin shirye-shirye da kuma kayatattun shirye-shirye domin su dace da bukin cika shekaru shida da kafuwar wannan tasha. Tun baya kafa ta a shekarar 2014, Tashar AREWA24 tana samar da shirye-shirye masu inganci da muryar Arewacin Najeriya domin masu kallon tashar da kuma nuna abubuwan da yankin ke alfahari da su ta fuskar al’adu, da fasaha da kuma tsarin rayuwa domin iyalai masu magana da harshen Hausa a ko’ina.
Tashar AREWA24 za ta fara nuwa wani sabon shirin wasan kwaikwayo mai dogon zango a farkon watan Yuli, mai suna “Labarina”, wanda ya zo daga sanannaen mai bada umarni a fina-finan Hausa wato, Aminu Saira. Dadin-dadawa, masu kallo za su samu tagomashin sabon zangon shahararren shirin wasan kwaikwayon ban dariyar nan wato, “Gidan Badamasi”. Sannan Tashar za ta ci gaba da nuna cigaban shirin wasan kwaikwayonta mafi dadewa ana nunawa a Arewacin Najeriya wato, “Dadin Kowa” da kuma Gagara-badan Shirin wasan kwaikwayo mai dogon zango na tashar AREWA24 wato “KWANA CASA’IN”. Tashar AREWA24 za ta ci gaba da nuna sabbi kuma shahararrun fina-finan Kannywood, haka kuma ta tantance sunayen sabbin fina-finai da za su a zo a makonni da kuma watanni masu zuwa.
A mahimmin fagen shirye-shiryen yara da matasa, Tashar AREWA24 ta hada kai da shararren shirin nan na yaran wato, Sesame Street, domin gabatar da shirin da wani salo na Najeriya mai suna “Dandalin Sesame,” wanda ya kunshi dukkanin ‘yan wasan shirin, amma cikin tsarin al’adu na Najeriya da kuma Harshen Hausa. Haka kuma Tashar AREWA24 za ta fara nuna wani sabon shiri na ilimantar da yara da ya samu kyakkyawan yabo wato, “Akili and Me,” wanda ya zo daga wadanda suka shirya sanannen shirin nan na matasa wato, Ubongo Kids, wanda tashar AREWA24 ke nunawa a halin yanzu. Jadawalin sabbbin shirye-shiryen matasa zai karkare da “My Better World,”(Duniya mafi Inganci), wani shiri na yara da yake bibiyar labarin wasu matasan Afirka shida a yayin da suke kokarin shawo kan kalubale masu tsauri a makarantarsu, da Iyalansu, da kuma abokansu, sannan da shirin “The 77%”, wani shiri ne na matasa game da kaso 77 cikin dari na ‘yan Afirka wadanda suke kasa da shekaru 35 kuma wadanda za su zamo makomar nahiyar a nan gaba.
Mataimakin shugaban Sesame Workshop, Danny Labin, ya bayyana cewa “Sesame Workshop yana alfahari da hadin guiwa da Tashar Arewa24 wajen nuna Shirin Sesame Street wanda aka fassara shi domin dacewa da bukatar samar da ilimi na musamman ga yara a Najeriya. Muna fatan samun kyakkyawar nasara a wannan hadin guiwa da Tashar Arewa24 da kuma fatan Dandalin Sesame zai ci gaba da kawo farin ciki da kuma ilimantarwa da harshen Hausa tsawon shekaru da dama da za su zo a nan gaba,” .
A bangaren shirye-shiryen tsarin rayuwa, Tashar AREWA24 za ta fara nuna shirin “Jakadan Arewa.” Shirin Jakadan Arewa shiri ne na tafiye-tafiye, da tsarin rayuwa, da kuma sanannun mutane wanda ya kunshi sannannun Hausawa, Makada da kuma al’ummu da ke sauran kasashen Nahiyar Afirka da ma duniya baki daya.
Janar Manaja na tashar AREWA24 John Ekainu, ya bayyana cewa “Babu wata hanya da za mu yi bukin cika shekaru shida da kafuwar wannan tasha wadda ta fi mu kawowa masu kallonmu sabbin wasannin kwakwayo na Hausa, da shirye-shiryn yara da matasa da kuma sauran shirye-shiryen nishadantar da iyali da suke cikin jadawalinmu”. Ekainu ya kara da cewa “za a iya samun dukkanin wadannan sabbin shirye-shirye a shafin kallon shirye-shiryen tashar ta yanar gizo wato, “AREWA24 On Demand,” dake kaiwa ga dukkanin masu magana da harshen Hausa a fadin duniya.”
Shugaban sashen tallace-tallace na Tashar AREWA24 Celestine Umeibe, ya kara da cewa: “Dukka wadannan sabbin shirye-shirye suna kara nuna yadda tashar AREWA24 ke nuna damuwa ga mutane milyan 40 dake kallonmu da kuma abokan huldarmu da ke kawo mana tallace-tallace, wadanda ke samun yakinini dari bisa dari na sanya tallukansu, kuma suke samun cikakkun bayanai da kyakkyawan duba ga masu sayen kayayyaki dake Arewacin Najeriya, sannan kuma suke more gwaggwabar riba a kasuwancinsu sakamakon sanya tallukansu a tashar AREWA24.”
GAME DA TASHAR AREWA24: Tahsar AREWA24 da shirye-shiryenta, An kafa Tashar AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen hausa, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma wasanni. A yau, tashar AREWA24 ta kai ga mutane milyan 38 masu magana da harshen Hausa a Najeriya da kuma yammacin nahiyar Afirka a kan tauraron dan dan’adam na Eutelsat da ake kallo kyauta, da kuma kan tauraron dan adam na StarTimes da ake biya (tasha mai lamba 138), da kafafen tauraron dan’adam na kamfanin Multichoice guda biyu da ake biya, wato DSTV (tasha mai lamba 261) da kuma Gotv (tasha mai lamba 101), da kuma tauraron dan adam na Canal+ payTV service (tasha mai lamba #285) a Jamhuriyar Nijar, da Chadi da kuma Kamaru. AREWA24 na amfana da masu kallo da ke kasancewa da dukkanin shafukanta na yanar gizo a kan AREWA24.com, facebook.com/AREWA24, Instagram.com/AREWA24channel, and twitter.com/AREWA24channel.
GAME DA MANHAJAR AREWA24 On Demand: Manhajar AREWA24 ON DEMAND, wani bangare ne na kamfanin Network AREWA24, Ltd, manhaja ce ta kallon dukkanin shirye-shiryen harshen Hausa da ake kira all-Hausa language global streaming da kuma OTT service a turance, da nufin yada al’adun hausawa da ake alfahari da su ga masu magana da harshen Hausa a fadin duniya. An kaddamar da wannan manhaja da kimanin sama da shirye-shirye 2,000 da suka shafi abubuwa daban-daban da salo daban-daban da suke da farin jini a Najeriya da kuma Yammacin nahiyar Afirka, wadanda suka hada da wasannin kwaikwayo masu dogon zango da tashar ke shiryawa, da wasannin kwaikwayo na masana’antar Kannywood, da tattaunawa daban-daban, da shirye-shiryen mata da na Hip Hop da na matasa da kuma yara da shirin girke-girke, da na al’adu da ma wasu da dama. Domin shiga tsarin kallon shirye-shirye ta kafar AREWA24 On Demand streaming service, sai ku ziyarci wannan adreshi http://tv.arewa24.com ko kuma ku sauke manhajar daga shafukan sauke manhajojin wayoyi na IOS App Store, ko Google Play, ko Apple TV, ko Roku Channel Store ko kuma Amazon Fire TV.
Domin karin bayani sai ku tuntubi: info@arewa24.com
-
Sabuwar manhajar AREWA24 za ta kai ga Hausawa mazauna kasar waje fiye da mutum miliyan 8 kan kudi Dalar Amurka 4.99 a tsawon wata guda
Tashar Arewa24, tasha ta Hausa ta Arewacin Najriya ta na kaddamar da Arewa24 on Demand, wata sabuwar manhaja ta nuna shirye-shiryenta da ake kira subscription video-on-demand da “Over-the-Top” (OTT) a Turance. Russell Southwood ya gana da shugaban Arewa24, Jacob Arback kan dalilan kaddamar da wannan manhaja da kuma abunda su ka shirya.
Tashar Arewa24 ta dade tana shirya kirkirar manhaja mai share fage kamar wannan.
Manufarmu ita ce hada kan masu magana da harshen Hausa da ke Arewacin Najeriya, da wadanda ke Najeriya baki daya, da kuma Hausawa mazauna kasashen waje a kan wata kafa domin kallon shirye-shiryen talabijin. Muna tsammanin samun muhimmiyar taskar adana shirye-shirye da suke da ingancin da ake bukata domin yin kafada-da-kafada da sauran shirye-shiryen kashashen duniya.
Arback ya kwatanta manhajar da manhajar “Netflix dan kallon shirye-shiyen Hausa”, wannan yana nufin manhajar ta kunshi shirye-shirye daban-daban wadanda su ka hada da wasannin kwaikwayo da kade-kade da motsa jiki da sauransu. Babu tallace-tallace a ciki haka zalika masu kallo zasu kalli duk abinda suke so kan kudi Dalar Amurka 4.99 tsawon wata guda da kuma kudi Dalar Amurka 48 tsawon shekara.
An kaddamar da manhajar ne a karshen watan Oktoba, za a iya sauke manhajar daga shafin Arewa24 inda za ku samu manhajar da zata dace da wayoyinku masu amfani da tsarin iOS da kuma na Android. Kafar Google Play ta bayyana cewa kawo yanzu, fiye da mutum 500,000 suka sauke manhajar. Haka kuma za a iya samun manhajar a kan kafafen Roku da Amazon Prime haka kuma nan gaba kadan za a iya samun manhajar a kan wasu kafofin.
“Yadda muka tsara shi ne, mukan dora shirye-shirye kyauta kan shafin YouTube tare da sako mai zayyanawa masu kallo cewa zasu koma kallo a kan wannan sabuwar manhajar daga 21 ga watan Nuwamba. Muna so mu fara da masu kallonmu da ke kasashen Saudi Arabia da Sudan da Amurka da kuma na nahiyar Turai” Shugaban ya nuna cewa wannan tsarin ya fi sauki ga masu magana da harshen Hausa da ke ko ina a duniya fiye da tsarin tauraron dan dan’adam.
Arewa24 tana aiki tare da masu shirya fina-finai masu zaman kansu na Arewacin Najeriya wadanda Arback ya kira da ”Hazikan marubuta da suka kware wajen iya bada labari, Arback din ya kara da cewa, babu abun da suke bukata sai jari dan su habbaka su zamo kamar masana’antar Nollywood dake Kudancin Kasar. Muna aiki tare da wasu masu shirya fina-finai wadanda suke shirya fina-finai na musamman.”
Shirye-shiryen da aka fi maida hankali akai su ne rubutattun wasannin kwaikwaiyo da tashar ta shirya. Wasannin sun hada da shararrun wasannin kwaikwayonmu masu dogon zango wato “Kwana 90” da kuma “Dadin Kowa” wanda shi ne shirin wasan kwaikwayo na farko da tasha mai zaman kanta ta shirya. “Za mu samar da wani shirin wasan kwaikwayo a shekara mai zuwa. Masu Magana da harshen Hausa su na son wasannin kwaikwayo. Wasanni ne masu nuni da al’adu da rayuwar yau da kullum amma cikin kyakyyawan tsari.”
Dadin dadawa, sabuwar manhajar za ta kunshi dukkannin shirye-shirye da ke kan tashar wadanda suka hada da shirye-shiryen Hip Hop da na girke-girke da shirye-shiryen yara da na motsa jiki (wanda ya kunshi sharhin Gasar Premier League ta Nahiyayar Turai da manya-manyan gasar kwallon kafa da ake gudanarwa a birnin London wadanda aka juya zuwa harshen Hausa). Haka kuma akwai bangaren takaitattun shirye-shirye wadanda suka kunshi shirye-shiryen yara da wasannin barkwanci da kananun shirye-shirye da kuma gajerun fina-finai. ”Muna da wani shiri da mai’akatanmu na shashen sada zumunta suka tsara wanda suke fita su na tambayar mutane tambayoyi ma su ban dariya.”
Yaya matsalar yanar gizo da ake fuskanta za ta yi tasiri ga wannan manhajar? “Da farko dai manufar wannan manhajar ita ce nishadantar da masu magana da harshen Hausa mazauna kasashen waje. Tasharmu tasha ce da take kai wa kai tsaye ga wasu kebantattun mutane mazauna kasashen waje: Hasashe ya nuna cewa da akwai Hausawa mazauna kasashen waje kimanin miliyan 8 zuwa 10 wadanda ke zama a Saudi Arabia da kuma Sudan. Mazauna Arewacin Najeriya za su iya sauke manhajar kuma za ta zo musu da wani yanayi wanda zai daidaita matsalar yanar gizo da ake fuskanta.”
Ma su kallo mutum nawa ya ke hasashen samu nan da shekara 2-3?. “Ba na ce ba. Yanzu haka muna da masu kallon shirye-shiryenmu a shafin YouTube mutum miliyan 50 amma mun zuba hannun jari kuma muna da kyakkyawan zato game da manhajar. Za mu rika kawo sababbin shirye-shirye a kullum kuma a kowanne mako. Mu na san mu samar da shiri 11-12 a kowacce rana, dan haka zai yi kyau a samar da wata kafar yada shirye-shirye dan wasu ma su samu damar kallo.”
Wanne irin matakin hannun jari aka zuba cikin wannan manhajar? “Duba ga yanayin tasharmu dai babban hannun jari ne, amma ga matakin duniya an yi abu na azo a gani. Muna so mu zama mu ne na farko wajen kirkirar irin wannan manhajar. Tara shirye-shiryen shi ne abu na farko. Yanzu muna da kimanin sa’o’i Dubu 45. Rabin wadannan shirye-shiryen kadai na aka samu damar dorawa a kan manhajar kasancewar sauran aikin da ya rage ya yi nauyi saboda ingancinsa.”
-
AREWA24 Na Cigaba Da Bunkasa Zuwa Ga Masu Magana Da Harshen Hausa Da Ke Ko Ina A Fadin Duniya
Tashar AREWA24, tasha ta Hausa da ke kan gaba a fagen nishadi da tsarin rayuwa a Najeriya da kuma yanmacin Afirka na sanar da kaddamar da “AREWA24 ON DEMAND,” wata sabuwar manhaja ta nuna shirye-shiryenta da ake kira subscription video-on-demand (“SVOD”) da “Over-the-Top” (OTT) a turance. A yanzu dukkanin masu magana da harshen Hausa da Iyalansu dake zaune a ko ina a fadin duniya, za su samu damar more kallon shirye-shiryen daban-daban da suka lashe lambar yabo, wadanda al’ummar Najeriya da na yammacin nahiyar afirka ke jin dadin kallonsu yau da kullum a kan tashar AREWA24 da ke nuna shirye-shiryenta a tsawon sa’o’i 24 a ranakun mako.
Shugaban tashar AREWA24, Jacob Arback, ya bayyana wannan sabuwar manhaja da cewa, wata hanya ce ta fadada hanyoyin yada shirye-shiryensu domin kaiwa ga dukkannin masu magana da harshen Hausa da ke fadin duniya. Ya ce “Sanya masu kallo su ji kamar suna gida da kuma jin suna alfahari da al’adunsu na gargajiya shi ne babban makasudin samar da wannan sabuwar manhaja ta AREWA24 ON DEMAND da ma tashar AREWA24 baki daya. A yanzu, masu kallonmu za su iya more kallon shirye-shieryen da suka yi fice, wadanda ke da alaka da garuruwansu, suke kuma nishadantar da iyali da masu magana da harshen Hausa a ko ina su, ta amfani da wannan sabuwar manhaja. Musamman ma yadda muke nuna al’adu na alfahari da kuma sanya Iyalan Hausawa da suke kasasen waje su ji kamar suna gida Najeriya ko kasashen Yammacin nahiyar Afirka.”
Arback ya kara da cewa, “za a kaddamar da manhajar AREWA24 ON DEMAND da dinbun shirye-shirye na musamman. “Muna shirya shirye-shirye da dama da suka shafi abubuwa daban-daban da salo daban-daban a kowacce rana a dakunan shirye-shiryenmu da ke garin Kano a Najeriya, wadanda suka hada da shararrun wasannin kwaikwayonmu masu dogon zango, wato “Kwana 90” da kuma “Dadin Kowa.” Haka kuma, muna fassara shirye-shiryen sassan fadin duniya da na yankin nahiyar Afirka da dama zuwa harshen Hausa dakunan daukar shirye-shiryenmu guda uku da muke da su, wadanda dukkaninsu za su kasance a kan wannan sabuwar manhaja.”
Sabuwar manhajar AREWA24 ON DEMAND SVOD za ta bada damar samun dukkanin shirye-shiryen tashar AREWA24 da kuma taskar ajiye shirye-shirye na harshen Hausa, wadda ita ce taskar shirye-shirye na harshen Hausa mafi girma a duniya. Baya ga wasannin kwaikwayo masu dogon zango da tashar ke shiryawa, sabuwar manhajar ta AREWA24 ON DEMAND za ta dinga kunsar sabbin shirye-shirye a kowacce rana, da suka hada da sabbin wasannin kwaikwayo na masana’antar Kannywood, da kuma shirye-shiryen Hausa Hip Hop, da na girke-girke, da shirye-shiryen da tashar ke kawo a kullum wato Gari ya waye, da shirye-shiryen wasanni, da na al’adu da shirin Bayan fagen fina-finan Kannywood, da shirye-shiryen mata da matasa da kuma yara, da ma wasu da dama. Manhajar AREWA24 ON DEMAND tana karkashin gudanarwar gudanar fasahar kanfanonin Vimeo’s state-of-the-art SVOD da kuma OTT technologies. Kamfanin Vimeo ne ke samar da dabaru masu inganci domin masu gudanar da ayyukansu ta yanar gizo su bawa abokan huldarsu damar kulla alaka da su a dukkanin manyan manhajoji da kuma na’urorin amfani da yanar gizo.
“Muna alfahari da damar da kamfanin fasahar Vimeo’s best-in-class OTT technology ya bamu, na kaiwa ga abokan hulda ba tare da wata sarkakiya ba, da kuma bada ingantacen yanayi ga tashar AREWA24 da kuma masoyanta,“a ta bakin Kathleen Barrett, SVP, Enterprise, na kamfanin fasahar Vimeo. “A yanzu masu kallo za su iya amfani da kuma morewa kallon sabuwar manhajar kallon shirye-shiryen harshen Hausa ta farko a manhajar da ake kira SVOD service a turance.”
Domin amfani da sabuwar manhajar AREWA24 ON DEMAND wato SVOD service, sai ku ziyarci adreshin yanar gizo http://tv.arewa24.com ko kuma ku sauke manhajar a kan wayoyinku daga kafofin IOS App Store, da Google Play, da Apple TV, da Roku Channel Store da kuma Amazon Fire TV.
GAME DA MANHAJAR AREWA24 ON DEMAND: Manhajar AREWA24 ON DEMAND, wani bangare ne na kamfanin Network AREWA24, Ltd, manhaja ce kallon dukkanin shirye-shiryen harshen Hausa da ake kira all-Hausa language global streaming da kuma OTT service a turance, da nufin yada al’adu na alfahari ga masu magana da harshen Hausa a fadin duniya. An kaddamar da wannan manhaja da kimanin sama da shirye-shirye 2,000 da suka shafi abubuwa daban-daban da salo daban-daban da suke da farin jini a Najeriya da kuma Yammacin nahiyar Afirka, wadanda suka hada da wasannin kwaikwayo masu dogon zango da tashar ke shiryawa, da sabbin wasannin kwaikwayo na masana’antar Kannywood, da hirarraki da shirye-shiryen mata da na Hip Hop da na matasa da kuma yara da shirin girke-girke, da na al’adu da ma wasu da dama.
GAME DA TASHAR AREWA24: Tahsar AREWA24 da shirye-shiryenta, An kafa Tashar AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen hausa, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma
wasanni. A yau, tashar AREWA24 ta kai ga mutane milyan 38 masu magana da harshen Hausa a Najeriya da kuma yammacin nahiyar Afirka a kan tauraron dan dan’adam na Eutelsat da ake kallo kyauta, da kuma kan tauraron dan adam na StarTimes da ake biya (tasha mai lamba 138), da kafafen tauraron dan’adam na kamfanin Multichoice guda biyu da ake biya, wato DSTV (tasha mai lamba 261) da kuma Gotv (tasha mai lamba 101), da kuma tauraron dan adam na Canal+ payTV service (tasha mai lamba #285) a Jamhuriyar Niger, da Chad da kuma Cameroun. AREWA24 na amfana da masu kallo da ke kasancewa da dukkanin shafukanta na AREWA24.com, facebook.com/AREWA24, Instagram.com/AREWA24channel, and twitter.com/AREWA24channel.
Domin karin bayani sai ku tuntubi: info@arewa24.com
-
Ina ma ‘KWANA CASA’IN’ na AREWA24 ya zama abin koyi
Fim din Kwana Casa’in, wato shirin Hausa dirama ne da a ke nunawa a tashar talabijin ta AREWA24, inda zubi da tsarin labarin ya sha bamban da finafinan da mu ka saba kallo, wanda ba su wuce tunanin yaro karami ba.
Labarin ya na magana ne a kan siyasar kasar nan da irin abubuwan da ke faruwa a jami’o’inmu da ma rayuwa ga bakidaya.
Tuntuni ya kamata a rika zakulo irin wadannan matsaloli, saboda su ne damuwarmu, amma sai finafinan da a ke kira na Hausa su ka duge ga rawa da waka da gasar nuna jiki da matsattsun wanduna.
A ciikin Kwana Casa’in, tsarin hoto kansa na daban ne, domin ya sha bamban da irin tsarin hoton da mu ka saba gani, saboda an yi amfani da na’urar daukar hoto mai matukar inganci ta yadda mai kallo zai ga kamar a gabansa abubuwan ke faruwa.Wuraren da a ka yi amfani da su irinsu asibitoci, ofisoshi, gidaje, makarantu ko gidan rediyo, nan ma abin jinjinawa ne, domin kuwa an yi amfani da wuraren da su ka dace ta yadda duk wanda ba dan kasa ba, idan ya kalla, zai ga tsantsar kama da gaskiya a cikin labarin, wanda hakan ma iyawa ce. Idan na nutsu Ina kallon Kwana Casa’in sai na ji tamkar gaske ne. Yadda masu mulki ke rayuwa da rayuwar talaka a wannan zamani da yadda a ke amfani da talaka, domin kama madafun iko duk an bayyanar da shi. Ina da yakinin kafin labarin ya kare mutane da dama za su dauki darasin rayuwa. Lokacin da na ga hotunan wasu jaruman Kannywood a cikin Kwana Casa’in kafin na fara kallon fim din, sai da na ji jiki na ya yi sanyi, saboda Ina tsoron kar su bata dirimar ta yadda za mu rika kallon ta kamar shirme, amma abin da ya burge ni shi ne yadda su ka shiga su ka bata a cikin shirin ba tare da kawo mishkila ko mayar da abin wasan yara ba. Hakan ya nuna ma ni kenan da za su sami labari mai inganci da kayan aiki, sannan su sako masu ilimin a cikin nasu shirye-shiryen, kila su ma za su samu su mike a Kannywood din kenan. Yadda jaruman su ka nuna dagiya da tsantsar kwarewa sosai, ya yi kyau matuka ta yadda ko wadanda su ka saba kallon finafinan kasashen ketare za su jinjina masu domin kasashen da su ka cigaba su na shirya dirama mai dogon zango ko finafinai kan matsalar da su ke fuska a kasar fiye da shirme irin wanda a ke yi a finafinan da mu ka saba gani. Da alama dai Kwana Casa’in shi ne labarin da ya ke kokarin taushe shirin dadin Kowa na Arewa 24 din dai, domin kamar yadda a ka kasa samun wani shirin dirama da zai yi karo da Dadin Kowa daga masana’antar Kannywood, watakila AREWA24 din ce dai kadai za ta iya yin karo shi da wannan sabon shiri tsararre na Kwana Casa’in. Tsawon lokacin da na dauka Ina kallon shirin Hausa na Kannywood lallai na gano wa Kannywood makarantar da za su kara ilmi. Sannu a hankali AREWA24 za ta maye gurbin shirin Hausa dirima, saboda su ne su ke tattauna abinda ya dame mu a kasa, ba rawa da juyi gaban allunan talabijin ba. Fadila H Aliyu Kurfi marubuciya ce mai sharhi kan al’amuran yau da kullum kuma ’yar gwagwarmaya.
Za a iya samun ta a imel: fadilakurfi@gmail.com ,
Facebook: Fadila H Aliyu Kurfi.
Read More at: https://hausa.leadership.ng/2019/04/18/ina-ma-kwana-casain-na-arewa-24-yazama-abin-koyi/
