Labarai

Post Views: 676

AREWA24 ZA TA FAƊAƊA ADADIN ƘASASHEN DA TAKE YAƊA SHIRYE-SHIRYENTA TARE DA CANAL+, ZA TA FAƊAƊA ZUWA ƘARIN ƘASASHEN YAMMACIN AFIRKA HUƊU: BENIN REPUBLIC, BURKINA FASO, MALI AND TOGO

15 ga Oktoba, 2024 – AREWA24, tashar talabijin da ke kan gaba wajen yada shirye-shirye da harshen Hausa, masu nishadantar da iyali da nuna tsarin rayuwa, wadda ke da ofishin daukar shirye-shiryenta a Yammacin Afirka, tare da hadin guiwar CANAL+ International, tana mai farin cikin sanar da gagarumin aikin faɗaɗa yaɗa shirye-shiryenta zuwa ƙarin kasashe huɗu: Benin Republic, Burkina Faso, Mali da Togo, a kan CANAL+ tasha mai lamba CH 297, wanda hakan zai ƙaru zuwa kasashen taƙwas (8) a Yammacin Afirka da ake kallon AREWA24, waɗanda suka haɗar da Najeriya, Nijar, Kamaru da Chadi.

Wannan mahimmin aikin faɗaɗawa, yana nuna mahimmanci da tasirin alaƙar da ke tsakanin CANAL+ International da AREWA24 ke da shi, bisa ‘yancin samun bayanai da shirye-shiryen nishaɗi masu inganci a faɗin nahiyar Afirka. Wannan cigaba zai bawa AREWA24 wata dama ta musamman wajen samar da ingantattun shirye-shirye ga sabbin miliyoyin masu kallonta a faɗin Jamhuriyar Benin, Burkina Faso, Mali da Togo. Da wannan aiki na faɗaɗawa domin kaiwa ga ƙarin masu kallon Talabijin, AREWA24 za ta ci gaba da ƙoƙarinta wajen nuna al’adu na alfahari, na masu magana da Harshen Hausa a fadin duniya, ta hanyar nuna shirye-shirye masu inganci da ke faɗakarwa, nishaɗantarwa da kuma zaburarwa.

“Muna farin cikin ganin shirye-shiryenmu sun kai ga sabbin miliyoyin masu kallo a Jamhuriyar Benin, Burkina Faso, Mali da Togo, tare da haɗin guiwar CANAL+ International” a ta bakin Celestine Umeibe, Mataimakin Shugaban AREWA24 kuma Babban Shugaban Sashen tallace-tallace da kasuwanci. Wannan wata gagarumar nasara ce ga ƙoƙarin da AREWA24 ke yi na kasancewa kafar yaɗa shirye-shirye da ke kan gaba a Nahiyar Afirka. Wannan zai sa mu ci gaba da yin ƙarfi a mataki na duniya, da haɗa kan harsuna da al’adu a faɗin Yammacin Afirka, a lokaci guda kuma muna buɗe mahimman damarmaki ga masu tallace-tallace da kamfanoni domin kaiwa ga masu kallo a gagarumar kasuwar Yammacin Afirka.”

Jadawalin AREWA24 da ya ƙunshi shirye-shirye daban-daban, kamar wasannin kwaikwayo masu dogon zango; wato Dadin Kowa, Kwana Casa’in da Gidan Badamasi, da sannanen shirin na matasa, wato Arewa Gen-Z, da shirin mata, wato Mata A Yau, da shirinta da ke zuwa kowacce rana wato shirin Gari Ya Waye, da ƙoƙarin da take na ci gaba da samar da shirye-shirye masu inganci a mataki na duniya, da kuma samar da shirye-shirye na cikin gida da ke abubuwan al’ada na alfahari, sun sa ta zamo amintacciyar hanyar nishaɗantar da iyali da harshen Hausa.

GAME DA AREWA24 (https://arewa24.com/company-overview/):  AREWA24 da Bangarenta na samar da shirye-shirye, An fara gabatar da shiryen shiryen AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen Hausa masu inganci, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma wasanni. A yau, tashar AREWA24 tana kaiwa ga mutane sama da milyan 40 masu magana da harshen Hausa a Najeriya da kuma Yammacin Afirka a kan tauraron dan dan’adam na Eutelsat da ke kan tsarin kallo kyauta, da kuma kan tauraron dan adam na StarTimes da ke kan tsarin biyan kudi (tasha mai lamba 138), da kafafen tauraron dan’adam na kamfanin Multichoice guda biyu da ke kan tsarin biya kudi, wato DSTV (tasha mai lamba 261) da kuma Gotv (tasha mai lamba 136), da kuma tauraron dan adam na Canal+ a kan tsarin biyan kudi (tasha mai lamba #297) a Jamhuriyar Nijar, da Chadi da kuma Kamaru, AREWA24 na amfana da masu kallo da ke kasancewa da dukkanin shafukanta na yanar gizo a kan AREWA24.com, facebook.com/AREWA24, da Instagram.com/AREWA24channel. Haka kuma AREWA24 tana yada shirye-shiryenta a tsarin kallo kai tsaye a ko ina a duniya a kan AREWA24 On Demand tare da hadin guiwar Vimeo.

Domin samun damar kallo kai tsaye a ko ina a duniya a kan AREWA24 ON DEMAND, ku shiga http://tv.arewa24.com ko ku sauke manhajar daga kan IOS App Store, ko Google Play, ko Apple TV, ko Roku Channel Store da kuma Amazon Fire TV.

Domin karin bayani, sai ku tuntubi: info@arewa24.com

Post Views: 454

Gangamin Wayar da kai na AREWA24 a watan October: Sauya rayuwa da tattauna ƙalubale game da cutar Sikila.

By Musa Abdullahi Sufi

Cutar sikila, matsala ce da ta addabi duniya, da miliyoyin mutane ke fama da ita a faɗin duniya. Kamar yadda hukumar lafiya ta duniya ta bayyana, kimanin yara dubu 300 ake haihuwa da cutar sikila a kowacce shekara, kuma mafi yawa an fi samun masu cutar a yankin Sahara na Afirka.

A Najeriya kaɗai, kimanin yara dubu 150 ake haihuwa da wannan cuta a kowacce shekara, wadda hakan ya sa ta zamo kasar da wannan cuta ta fi addaba a faɗin duniya. Yankin Arewacin Najeriya shi ne ya fi ɗaukar kaso mafi yawa, da kimanin kaso 20-30 cikin ɗari na yawan al’ummar da ke ɗauke da gadon cutar a jininsu.

Sikila na ci gaba da kasancewa wata matsananciyar matsala a Najeriya, wadda miliyoyin mutane ke fama da ita, musamman a cikin al’ummar da ke magana da Harshen Hausa. Domin daƙile wannan matsala, AREWA24, tashar talabijin ta Hausa da ke kan tauraron ɗan’adam mafi girma, ta ɗauki wani gagarumin shirin wayar da kai da kuma ilimantar da ɗaukacin masu kallonta, ta yin wani gangamin wayar da kai na tsawon wata guda da ta ware domin tattauna batun da ya shafi cutar ta sikila.

A tsawon watan Oktoba, AREWA24 ta mayar da hankali wajen nuna jerin shirye-shirye domin wayar da kai game da cutar sikila. Baƙi na musamman sun haɗa da likitoci, ma’aikatan jinya,  masu larurar sikila, iyaye, shugabannin addinai, wakilan gwamnati, da kuma kwararru a harkar lafiya da sauransu, waɗanda za su kasance a cikin sanannun shirye-shirye daban-daban domin tattauna haƙiƙanin yadda rayuwa da cutar sikita take, da kuma mahimmancin gano cutar da wuri da kulawar da ta dace.

Wannan gangamin wayar da kai, yunƙuri ne na kawo sauyi a rayuwa, kasancewar miliyoyin masu magana da harshen Hausa a fadin duniya za su samu ilimi mai mahimmanci bisa yadda za a kaucewa cutar da kuma yadda za a kula da wannan larura da ake gado a cikin jini. Yawan masu fama da cutar a wannan yanki yana da alaƙa ne da ƙarancin kayan aikin kula da lafiya, da ƙarancin wayar da kai, da kuma ƙalubalen al’adu, waɗanda suka sa yake da mahimmaci a yaƙi wannan cuta ta hanyar wayar da kai, kamar irin wannan Gangamin wayar da kai na AREWA24 a watan Oktoba.

Wannan gangamin wayar da kai, za a yi shi ne domin wayar da kan al’umma, da samar musu bayanai na ceton rai, da fito da yadda za a yi gawaje-gwaje da kuma dabarun da za yi amfani da su da wuri wajen rage tasirin cutar ta sikila a Arewacin Najeriya.

Ilimantar da Miliyoyin al’umma: Gangamin wayar da kai na AREWA24 domin ceton rai, wani aiki ne da zai kawo sauyi a yaƙin da ake yi da larurar ta sikila. Yawan al’ummar da wannan tasha ke kaiwa garesu, yana tabbatar da cewa miliyoyin mutane, a Najeriya da ma fadin duniya, za su ilimantu game da mahimmancin da ke akwai game da buƙatar yin gwaji kafin aure. Iyalai da dama da suke fama da larurar sikila ba su da wayewar kai game da mahimmancin gwaji kafin aure domin kaucewa yaɗuwar cutar.

Wannan gangamin wayar da kai, zai cike wannan giɓin, ya kuma bawa masu kallo ilimin da zai taimaka musu wajen yanke hukuncin da zai iya ceto ‘ya’yan da za a haifa  a nan gaba daga ƙalubalen da ke da alaƙa da cutar.

Bugu da ƙari, shirye-shiryen AREWA24 za su samar da mahimman bayanai a kan yadda za a kula da waɗanda ke fama da cutar ta sikila. Kasancewar kwararru a harkar lafiya cikin shirye-shirye, kamar Gari Ya waye, da Mata A Yau, zai tabbatar da cewa masu kallo sun ilimantu dangane da tallafin da ake buƙata ta fuskar kiwon lafiya da damuwar masu cutar, domin kyautatwar ingancin rayuwar masu ɗauke da cutar ta sikila.

 

Kama daga raɗadin da suke fuskanta lokaci bayan lokaci, zuwa fahimtar mahimmancin duba lafiyarsu akai-akai, waɗannan shirye-shirye za su gabatar da shawarwari a aikace waɗanda za su iya kawo tabbataccen sauyi a rayuwar mutane.

Faɗakar da al’ummu ta hanyar shawarar ƙwararru: Abin da ya sa wannan gangamin wayar da kai ya zamo na musamman shi ne, shigo da baƙi daban-daban cikin wannan shiri. Kama daga likitoci da ma’aikatan jinya da za su dinga bada shawarwari na kiwon lafiya ga masu ɗauke da cutar ta sikila da kuma iyalansu, suna masu bayyana abubuwan da suka fuskanta.Gangamin zai yi duba a kowanne ɓangare na haƙiƙanin yadda rayuwa da cutar sikila take.

Shugabannin addinai suma suna taka wata mahimmiyar rawa wajen wayar da kai, ta hanyar ƙarfafa mahimmancin kula da lafiya da kuma alhakin da ke kan al’umma wajen tabbatar da lafiya da kuma jin dadin yaran da za a haifa a nan gaba ta hanyar yin gwaji kafin aure.

Kwararru a harkar lafiya da kuma wakilan gwamnati za su ƙarawa shirin armashi ta hanyar bayar da ƙarin haske a kan irin ƙalubalen da ake da shi wajen shawo kan cutar sikila da kuma haska dokoki da shirye-shiryen da aka yi domin inganta hanyoyin samun kiwon lafiya.

Wannan gangami na wayar da kai bai tsaya iya wayar da kai ba kawai, zai kuma yi wkira domin a samar da tsarin kula da lafiya kyauta ga wadanda cutar ta sikila ta shafa, wanda wani babban mataki ne na magance matsalar tattalin arziki da zamantakewa da wasu majinyatan da dama ke fama da ita wajen neman magani.

Wannan wani mahimmin mataki ne na kawo ƙarshen yaɗuwar cutar sikila: Mahimmancin wayar da kai game da cutar sikila ba zai misaltu ba. A sassan Najeriya, musamman Arewa, har yanzu akwai ƙarancin fahimtar wannan cuta, wanda ke kaiwa ga yaɗuwar bayanai na ƙarya da nuna ƙyama.

Iyali da dama ba su san wajabcin neman shawarwari dangane da gadon kwayoyin halitta da kuma gwaji kafin aure ba, wanda hakan zai yi matuƙar rage yaɗuwar wannan cuta.

Gangamin wayar da kai na AREWA24 wani mahimmin taimako ne, kasancewar kai tsaye yana cike gibi ta fuskar ilimi da kuma samar da wata farfajiya don tattaunawa ta gaskiya kuma a bayyane game da cutar sikila.

Ta hanyar aiwatar da wannan gangamin ilimantarwa kyauta, AREWA24 tana yiwa al’umma hidima ne. Ƙoƙarin tashar game da harkokin kiwon lafiya, musamman a bangarorin da ba a fiya basu mahimmanci ba, yana nuna irin sadaukarwarta wajen sauke nauyin al’umma da kuma kyautata rayuwarsu. Yayin da Jaruman majinyatan da ke fama da cutar sikila da iyalansu ke amfana da wannan gangami, abu ne a zahiri cewa wannan gangami zai yi tasiri sosai a rayuwar milyoyin mutane.

Labarun jaruman da ke fama da cutar sikila, da shawarwarin kwararru daga likitoci, da kuma samun kwarin guiwa daga shugabannin addninai, duk za su hadu su samar da wani gagarumin saƙo da zai ceto rayuka.

Ƙari a kan wayar da kai, wannan gangami zai kuma zaburar da al’umma domin ɗaukar mataki. Baƙin, za su tattauna game da shirye-shiryen da suke gudana a yanzu haka, waɗanda aka tsara su  domin samar da tsarin kula da lafiya kyauta ga majinyata masu larurar sikila, wanda zai ci gaba da ƙarfafar rawar da AREWA24 ta taka a matsayin wadda ta kawo sauyi mai amfani. Wannan shiri yana nufin ceto rayuka, da kyautata rayuwa ga jaruman da ke fama da cutar ta sikila, da kuma kare yaran da za a haifa a nan gaba daga fukantar irin wannan ƙalubale.

Rufewa: Wani shiri gangami wayar da kai a watan Oktoba na AREWA24 domin Jarumai masu larurar sikila, wani gagarumin aiki ne a yaƙin da ake yi da cutar sikila. Ta hanyar hada kwararru a harkar lafiya, da shugabannin al’umma, da kuma iyalan da abin da ya shafa, ba iya wayar da kai kaɗai tashar ke yi ba, bar ma da sauya rayuwar al’umma.

Jaruman da ke fama da cutar ta sikila da kuma iyalansu suna matuƙar godiya da wannan shiri, wanda zai basu fata, ya kuma ƙarfafesu ta inda aka fi buƙatar hakan.

Wannan gangamin wayar da kai na tsawon wata guda, wata shaida ce da ke nuna jajircewar da AREWA24 ke yi wajen amfani da tashar don yin abin alkhairi. Kada masu kallo su bari wannan dama ta musamman ta koyon ilimi, da tattaunawa, da kuma ɗaukar mataki a kan yaƙi da cutar sikila ta wuce su. Ta hanyar ilimantarwa da wayar da kai, duk za mu iya bayar da gudunmawa wajen ceto rayuka da kuma gina al’umma mai cike da ƙoshin lafiya.

Post Views: 1,130

AREWA24 na sanar da sabon jadawalin shirye-shirye na wasannin kwaikwayo da take shiryawa, da fina-finai, da shirye-shiryenta na cikin gida a yayin da kamfanin ke cika shekaru 10 da kafuwa

AREWA24, tashar talabijin da ke kan gaba wajen yaɗa shirye-shirye masu nishaɗantar da iyali da tsarin rayuwa cikin harshen Hausa, wadda ke da ofishin samar da shirye-shirye a Najeriya da yammacin Afirka, tana sanar da wani gagarumin sabon jadawali na shirye-shirye, da fina-finai da wasannin kwaikwayo da take shiryawa da kuma karɓar wasannin kwaikwayo na Hausa masu dogon zango domin nuna su a mahajarta ta kallo kai tsaye, wato AREWA24 On Demand.

Domin bukin murnar cikar AREWA24 shekaru 10, tashar ta kaddamar da sabon shirinta na matasa, wato, “Arewa Gen-Z,” wanda aka shirya domin matasan Arewacin Najeriya masu ɗinbin yawa. Matasa ne ke shirya wa, kuma gabatar da shirin “Arewa Gen-Z”, wanda ke mayar da hamkali a kan irin ƙalubalen da a yanzu matasa ke fama da shi kowacce rana. Shirin na mintuna 30 da ake gabatarwa a kowanne mako, zai dinga kawo labarun nasarori, da fasaha, da waƙe-waƙe, da kuma al’adun matasa. Shirin zai kasance wata farfajiya domin abubuwan da aka san matasa da shi domin jawo hankalin matasa a faɗin Arewacin Najeriya.

Haka kuma nan ba da daɗewa ba AREWA24 za ta fito da fim ɗinta na farko mai gajeren zango, mai sunan, “The Jaru Road,” wani labari mai ƙayatarwa kuma na asalin Arewacin Najeriya, wanda aka shirya da harshen Turanci, kuma domin masu kallo dake fadin Afirka da ma sauran sassa na duniya. Kamfanin ya tsara shirya ƙarin wasu fina-finai huɗu a 2024 – 2025, wasu da harshen Hausa domin masu kallo a Najeriya da kuma Yammacin Afirka, wasu kuma da harshen Turanci domin masu kallo a dukkanin faɗin Afirka da duniya baki ɗaya. Bugu da ƙari, AREWA24 za ta ƙaddamar da shirin “Climate Change Africa,” wani shiri da zai yi duba kan tasirin da sauyin yanayi yake yi a Najeriya, da faɗin Afirka, da sauran sassan duniya baki ɗaya.

“Waɗannan sabbin shirye-shirye suna nuna irin yadda AREWA24 ta mayar da hankali wajen samar da shirye-shiryenta na cikin gida da suke da alaƙa da halin da al’umma ke ciki, da wasannin kwaikwayo, da kuma fina-finai, sannan bisa matakin ingancin shirye-shirye a duniya.” A ta bakin Shugaban Sashen Kasuwanci da Tallace-tallace kuma Mataimakon Shugaban AREWA24, Celestine Umeibe, ya bayyana cewa “waɗannan sabbin shirye-shirye suna nuna yadda muke iya samar da shirye-shirye masu ƙayatarwa domin masu kallonmu na cikin gida, da kuma shirye-shiryen da za su kai har zuwa kasahen duniya, da kuma nunawa sauran masu kallo na nahiyar Afirka da faɗin duniya yadda asalin rayuwar Arewacin Najeriya da Yammacin Afirka take.”

Tashar AREWA24 za ta cigaba da samar da sabbin zango na fitattun wasannin kwaikwayonta da take shiryawa, wato “Kwana Casa’in da kuma “Dadin Kowa,” sannan tana kan aikin samar da wasu sabbin wasannin kwaikwayo masu dogon zango guda uku da za fito a ƙarshen shekarar 2024 da kuma cikin shekarar 2025. Na farko a cikin sabbin wasannin kwaikwayon masu dogon zango shi ne, “Jos Chronicles,” wanda aka tsara a yankin jahohin tsakiyar kasarnan a Birnin Jos, kuma za a shi ne da Harsunan Turanci da kuma Hausar Jos. Shirin wasan kwaikwayo ne da ya ƙunshi barkwanci – wanda zai mayar da hankali a kan alaƙa mai sarƙaƙiya da ke tsakanin wasu abokai biyar, kuma ana sa rai zai jawo hankalin masu kallo daga yankin jahohin tsakiyar Najeriya. Haka kuma AREWA24 za ta dora wannan wasan kwaikwayo na “Jos Chronicles” a kan mahajarta ta kallo kai tsaye domin masu kallo talabijin a faɗin Afirka da kuma duniya baki ɗaya.
Haka kuma, AREWA24 tana aikin haɗin guiwa da manyan masu shirya fina-finan Hausa na Kannywood da dama domin ɗora wasannin kwaikwayonsu masu dogon zango a kan manhajar AREWA24 ON Demand da kuma tashar AREWA24 television network.

GAME DA AREWA24 (https://arewa24.com/company-overview/): AREWA24 da Bangarenta na samar da shirye-shirye, An fara gabatar da shiryen shiryen AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen Hausa masu inganci, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma wasanni. A yau, tashar AREWA24 tana kaiwa ga mutane sama da milyan 40 masu magana da harshen Hausa a Najeriya da kuma Yammacin Afirka a kan tauraron dan dan’adam na Eutelsat da ke kan tsarin kallo kyauta, da kuma kan tauraron dan adam na StarTimes da ke kan tsarin biyan kudi (tasha mai lamba 138), da kafafen tauraron dan’adam na kamfanin Multichoice guda biyu da ke kan tsarin biya kudi, wato DSTV (tasha mai lamba 261) da kuma Gotv (tasha mai lamba 136), da kuma tauraron dan adam na Canal+ a kan tsarin biyan kudi (tasha mai lamba #297) a Jamhuriyar Nijar, da Chadi da kuma Kamaru, AREWA24 na amfana da masu kallo da ke kasancewa da dukkanin shafukanta na yanar gizo a kan AREWA24.com, facebook.com/AREWA24, da Instagram.com/AREWA24channel. Haka kuma AREWA24 tana yada shirye-shiryenta a tsarin kallo kai tsaye a ko ina a duniya a kan AREWA24 On Demand tare da hadin guiwar Vimeo.

Domin samun damar kallo kai tsaye a ko ina a duniya a kan AREWA24 ON DEMAND, ku shiga http://tv.arewa24.com ko ku sauke manhajar daga kan IOS App Store, ko Google Play, ko Apple TV, ko Roku Channel Store da kuma Amazon Fire TV.
Domin karin bayani, sai ku tuntubi: info@arewa24.com

Post Views: 2,290

AREWA24 ta Kaddamar da shirinta na “Watan Gangamin Mayar da Hankali Kan Lafiyar Kwakwalwa” A Daukacin Watan Yuli

AREWA24, tashar talabijin da ke kan gaba wajen gabatar da shirye-shirye masu nishadantar da iyali da tsari rayuwa cikin harshen Hausa, wadda ke da ofishinta na samar da shirye-shirye a Najeriya da kuma yammacin Afirka, tana sanar da kaddamar da wani shirin wayar da kai na watan mayar da hankali kan kula da lafiyar kwakwalwa.

A cikin daukacin watan yuni, tashar AREWA24 za ta sadaukar da manyan bangarorin shirin nan nata da ke zuwa a kullum, watao “Gari ya Waye”, da kuma shirin mata, watao “Mata a Yau” domin gabatar da jerin tattaunawa, da hira da wasu manyan likitoci, masu bada shawarwari da kuma sauran kwararru a bangaren lafiya, game da matsalolin da suka danganci lafiyar kwakwalwa a Arewacin Najeriya. Duk da cewa kwararu sun tabbatar da cewa lafiyar kwakwalwa wani mahimmin bangare ce ga lafiyar jiki da kasancewa cikin koshin ladiya, said ai an yi watsi da ita a Arewacin Najeriya da ma Najeriya baki daya.

Kamar yadda Kungiyar Likitocin Kwakwalwa ta Najeriya (APN) suka bayyana, cewa sama da ‘yan Najeriya milyan 60 ne ke fama da matsalolin lafiyar kwakwalwa, amma kaso 10 cikin dari ne kacal suke iya samun kulawar da ta kamata. Shugaban kungiyar likitocin ta APN, Taiwo Obindo ya bayyana cewa gibin da ake da shi wajen samun magani shi ne ya haifar da matsaloli da dama, da suka hada da rashin ilimin abin, wanda kuma hakan ya bar mutane da karancin bayanai game da abubuwan da ke haddasa matsalolin lafiyar kwakwalwa, da kasa gane su da kuma neman kulawar da ta dace.

Duk da tsananin da matsalolin lafiyar kwakwalwa suka yi a kasar nan, kamar yadda kungiyar likitoci ta Najriya ta bayyana, likitoci 350 ne kadai ke aiki a halin yanzu a Najeriya, wadda ke da adadin mutane milyan 220. A kiyasta cewa a kalla daya daga cikin kowanne mutum hudu a Najeriya yana rayuwa ne da wani nauyi na larurar kwakwalwa.

“Mutane basu fahimci abin da ya shafi lafiyar kwakwalwa ba,” kamar yadda wata kwararriya a fannin lafiyar kwakwalwa a Najeria, Aisha Bubah ta bayyana. Ta ce, “Don haka ne ake danganta lafiyar kwakwalwa da abubuwa da suka danganci al’adu, chamfe-chamfe da kuma tsafi. Sannan yadda ake tunanin mutanen da ke da lafiyar kwakwalwa a koda yaushe shi ne tunanin sai wadanda yanayin su ya ta’azzara.”

AREWA24 tana aiki domin cike wawakeken gibin ilimi ta hanyar bayar da mahimman bayanai da wayar da kai game da kula da lafiyar kwakwalwa, da larurorin kwakwalwa da kuma cikakkiyar lafiyar kwakwalwa. Manufar wannan shiri na gangamin lafiyar kwakwalwa da AREWA24 ta shirya shi ne ta cike gibin bayanan da ba a samu, ta hanyar samar da ingantattun bayanai da kuma kawar da nuna kyama da ke tattare da matsalolin lafiyar kwakwalwa. AREWA24 ta tattaro gamayyar rukunin masana lafiyar kwakwalwa, masu bada shawarwari da kwararru kana bin da ake Magana a kai, wadanda za su tattauna yadda za mu samar da wasu hanyoyi domin kula da lafiyar kwakwalwa, a daidaikunmu da kuma tare iyalanmu. Wannan ya hada da aiyuka, kama daga duba mara lafiya, gano cutar da ke damunsa, bashi magani da kuma shawarwari – duk domin kula da kuma dawo da koshin lafiyar kwakwalwar al’ummar Arewacin Najeriya.

“A AREWA24, mun mayar da hankali don yin amfani da sananniya, amintacciya kuma shararriyar tasharmu mai nishadantarwa domin hidimtawa al’ummar Arewacin Najeriya da gamgami masu alfani kamar wannan gangami namu da ke tafe “Watan Mayar da Hankali Kan Lafiyar Kwakwalwa”, ta bakin Aisha Lawal, babbar shugaba mai kula da Shirye-shiryen AREWA24 na dakunan shirye-shirye. Ta ce “Mun yi Imani wannan wani nauyi ne na al’umma a kanmu mu samar da musu da abin da ya fi nishadantar da masu kallo kawai. Shi yasa mu ke so mu wayar da kai a kan mahimman batutuwa a cikin al’ummarmu kamar abin da ya shafi lafiyar kwakwalwa. Muna so mu taimaka wajen ilimantarwa da fadakar da ‘ya’yanmu maza da mata, don taimaka musu su yi kyakkyawar rayuwa a nan gaba, da kuma kokarin magance abubuwan da ke jawo talauci, wanda tabarbarewar bangaren kula da lafiyar kwakwalwa ke bada gagarumar gudunmawa.”

GAME DA TASHAR AREWA24: Tahsar AREWA24 da shirye-shiryenta, an kafa Tashar AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen hausa, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma wasanni. A yau, tashar AREWA24 tana kaiwa ga mutane sama da milyan 40 masu magana da harshen Hausa a Najeriya da kuma yammacin nahiyar Afirka a kan tauraron dan dan’adam na Eutelsat da ke kan tsarin kallo kyauta, da kuma kan tauraron dan adam na StarTimes da ke kan tsarin biyan kudi (tasha mai lamba 138), da kafafen tauraron dan’adam na kamfanin Multichoice guda biyu da ke kan tsarin biya kudi, wato DSTV (tasha mai lamba 261) da kuma Gotv (tasha mai lamba 101), da kuma tauraron dan adam na Canal+ a kan tsarin biyan kudi (tasha mai lamba #285) a Jamhuriyar Nijar, da Chadi da kuma Kamaru. AREWA24 na amfana da masu kallo da ke kasancewa da dukkanin shafukanta na yanar gizo a kan AREWA24.com, facebook.com/AREWA24, da Instagram.com/AREWA24channel. Haka kuma AREWA24 tana yada shirye-shiryenta a tsarin kallo kai tsaye a ko ina a duniya a kan AREWA24 On Demand tare da hadin guiwar Vimeo.

Domin samun damar kallo kai tsaye a ko ina a duniya a kan AREWA24 ON DEMAND, ku shiga http://tv.arewa24.com ko ku sauke manhajar daga kan IOS App Store, ko Google Play, ko Apple TV, ko Roku Channel Store da kuma Amazon Fire TV.

Domin karin bayani, sai ku tuntubi: info@arewa24.com

Post Views: 9,793

Tashar AREWA24 Tana Sanar Da Kaddamar Da Sabon Sashen Wasannin Kwaikwayo Da Fina-Finai Da take Shiryawa

AREWA24, tashar talabijin da ke kan gaba wajen yada shirye-shiryen nishadantar da iyali da tsarin rayuwa, wadda ke da ofishin daukar shirye-shiryenta a Najeriya a Yammacin Afirka, tana sanar da kaddamar da sabon sashen wasannin kwaikwayo da fina-finan da take shiryawa. Sabon sashen shirye-shiryen kamfanin zai samar da rubutun labaru da kuma shirya sabon jadawalin sabbin wasannin kwaikwayo masu dogon zango da kuma daidaikun fina-finai, don bada labarun Afirka na asali daga Arewacin Najeriya da kuma Yammacin Nahiyar Afirka da harshen Hausa da kuma na harshen Turanci zalla.

Ofishin samar da shirye-shiryen tashar AREWA24, ya kasance yana shiryawa da kuma yada kayatattu kuma shahararrun wasannin kwaikwayo masu dogon zango na Hausa a Arewacin Najeriya da Yammacin Afirka, wato “Dadin Kowa” wanda a halin yanzu ya kai zango na 25, da kuma wasan kwaikwayon tashar da ya kunshi siyasa, wato “Kwana Casa’in” (“90 Days”), wanda aka kammala daukar zango na 7 a kwanannan. Ana kan shirya wasu wasannin kwaikwayon masu dogon zango da dama, kuma wannan kamfani zai fara nuna shirin fim mai gajeren zango da ya shirya na farko a zango na hudu a shekarar 2022.

“AREWA24” ta kasance tana daga darajar wasu daga cikin kwararrun marubutan Najeriya, da masu shirya fina-finai, da daraktoci, da masu tace hotuna da kuma jarumai tun bayan kafuwar tashar shekaru takwas da suka gabata. Shugaban tashar AREWA24 Jacob Arback, ya bayyana cewa, “A halin yanzu muna matsayin babban kamfanin samar da shirye-shirye na ‘yan Afirka, mai samar da tsararrun shirye-shirye masu inganci na Afirka – domin ‘yan Najeriya, da ‘yan Afirka da kuma masu kallo da ke yammacin duniya, wadanda ke kara jin dadin kallon irin wadannan labaru masu kayatarwa da aka tsara su da inganci cikin wasannin kwaikwayo da fina-finai daga wannan nahiya”.

Shugaban sabon sashen wasannin kwaikwayon da fina-finai shi ne Evans Ejioju, wani gogagge kuma kwararre, da ya kasance a matsayin babban mai shirya shirin wasan kwaikwayon nan mai dogon zango na Kwana Casa’in tun daga zango na farko. Salisu Balabare, wanda ke bada umarni a shirin na Kwana Casa’in kuma wanda ya dade yana bada umarni a shirin wasan kwaikwayo nan mai dogon zango na Dadin Kowa, shi ne zai jagoranci bangaren kirkira na wannan sabon sashe. Bob Reid, sanannan da ya lashe lambar yabo ta Emmy-award a matsayin babban mashiryin shirin nan na kamfanin Discovery Networks, kuma tsohon mai kula da kimar ma’aikata (EVP), kuma babban shugaban sashen shirye-shirye a tashar The Africa Channel da ke kasar Amurka, shi ne zai kasance a matsayin mashawarci kuma babban mashiryin shiri na wasannin kwaikwayo da fina-finan da tashar AREWA24 ke shiryawa.

Samar da wannan sabon sashen na wasannin kwaikwayo da fina-finai, zai sa tashar AREWA24 ta amfani kwarewa da kuma kayan aikin shirye-shirye da ta tattara, sannan kuma ta nemi abokan hulda masu kaifin basira daga dukkanin fadin duniya, da kuma manyan kamfanonin da ke aikin yada shirye-shirye kai tsaye ta yanar gizo (streaming services) a duniya, domin bunkasawa da shirya rubutattun shirye-shirye.

“Manufarmu ita ce, shirya karin fitattu kuma kayatattun wasannin kwaikwayo domin masu kallonmu da ke magana da harshen Hausa”. Arback ya ce, “Wasu daga cikin shirye-shiryen da za mu samar, ba lallai a fara nuna su a tashar AREWA24 ba.  A nan gaba, mun shirya samar da jadawalin shirye-shirye da suka dace da masu kallo a fadin nahiyar Afirka da kuma sauran sassa na duniya. Sabon sashen shirye-shiryen zai bamu dama mu tsara shirye-shiryenmu domin su dace da dukkanin masu kallo. Don yin hakan, mun tsara shirya shirye-shirye na ‘yan Afirka masu inganci da harshen Turanci da kuma harshen Hausa kuma mu tabo karin batutuwan da ke ciwa mutane tuwo a kwarya a cikin nau’ikan shirye-shirye da dama.”

GAME DA TASHAR AREWA24: Tahsar AREWA24 da bangaren shirye-shiryenta, an kafa Tashar AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen Hausa, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma wasanni. A yau, tashar AREWA24 tana kaiwa ga mutane sama da milyan 40 masu magana da harshen Hausa a Najeriya da kuma yammacin nahiyar Afirka a kan tauraron dan dan’adam na Eutelsat da ke kan tsarin kallo kyauta, da kuma kan tauraron dan adam na StarTimes da ke kan tsarin biyan kudi (tasha mai lamba 138), da kafafen tauraron dan’adam na kamfanin Multichoice guda biyu da ke kan tsarin biya kudi, wato DSTV (tasha mai lamba 261) da kuma Gotv (tasha mai lamba 101), da kuma tauraron dan adam na Canal+ a kan tsarin biyan kudi (tasha mai lamba #285) a Jamhuriyar Nijar, da Chadi da kuma Kamaru.  AREWA24 na amfana da masu kallo da ke kasancewa da dukkanin shafukanta na yanar gizo a kan AREWA24.com, facebook.com/AREWA24, Instagram.com/AREWA24channel. AREWA24 tana kuma yada shirye-shirye kai tsaye ta yanar gizo a duniya a kan manhajar nan ta, AREWA24 On Demand tare da hadin guiwar kamfanin Vimeo.

Domin yin rijista da manhajar kallon shirye-shirye kai tsaye ta yanar gizo a kan manhajar AREWA24 ON DEMAND, sai ku ziyarci http://tv.arewa24.com ko kuma ku sauke manhajar daga IOS App Store, Google Play, Apple TV, Roku Channel Store da kuma Amazon Fire TV.

Domin karin bayani, sai ku tuntubi: info@arewa24.com

Post Views: 30,476

Al Jazeera da AREWA24 sun yi hadin guiwa don fassara shirye-shirye na musamman da masu dogon zango zuwa harshen Hausa domin masu kallo sama da milyan 40 dake arewacin Nijeriya da kuma yankin Sahel

23 ga watan Nuwamba, 2021.  Doha/Lagos. Nan ba da jimawa ba masu kallon tashar AREWA24 sama da milyan 40 da ke Arewacin Najeriya, da kasashen  Nijar, da Chad da kuma Cameroon za su fara kallon shirye-shirye Al Jazeera na musamman da masu dogon zango na turanci, da aka fassarasu zuwa harshen Hausa, bisa wata sabuwar yarjejeniya da aka cimma kwanannan tsakanin Al Jazeera da kuma AREWA24.

Wannan yarjejeniya za ta bada damar kallon shirye-shiryen Al Jazeera na harshen Turanci a kan tashar tauraron ta AREWA24 dake kan tsarin kallo kyauta da kuma sauran kafafen tauraron dan adam na yankin da ke kan tsarin biyan kudi na: DStv, da StarTimes, da CANAL+ da kuma TSTV sannan kuma da tsarin kallo kai tsaye ta yanar gizo daga ko ina a duniya ta manhajar AREWA24  wato “AREWA24 On Demand.”

“Mun ji dadi sosai da wannan yarjejeniya, kasancewar shirye-shiryen Al Jazeera na harshen turanci za su dinga zuwa ga sabbin masu kallo dake yanki mafi girma a nahiyar Afirka da harshensu,” a ta bakin Mai rike da mukamin Babban Darakta mai kula da Sashen Sadarwa da Al’amuran Kamfanin a Duniya, Ramzan Alnoimi. Ya kara da cewa “Muna kokari muga mun fadada hanyoyi yada shirye-shiryen Al Jazeera da aka fassarasu da sauran harsuna a nan gaba.”

Shugaban tashar AREWA24, Jacob Arback, ya bayyana cewa: Tashar Al Jazeera da kuma kayatattun shirye-shiryenta za su samu karbuwa sosai a wajen masu kallon tashar AREWA24 na Arewacin Najeriya da kuma yammacin Afirka.”

Ya kuma kara da cewa “Mun yi matukar jin dadi game da wannan hadin guiwa, da kuma kasancewarmu tashar talabijin ta farko da za ta yada shirye-shiryen Al Jazeera masu inganci da harshen Hausa, harshen da sama da mutane milyan 90 ke magana da shi a Najeriya da kuma Yammacin Afirka.

 

Tahsar AREWA24 da sashen shirye-shiryenta, an kafa Tashar AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen hausa. Tashar AREWA24 taNA kaiwa ga mutane sama da milyan 40 masu magana da harshen Hausa a Najeriya da kuma yammacin nahiyar Afirka, sannan kuma kamfanin da ke da ofisoshinsa a Kano da kuma Lagos yana daga cikin kamfanonin ‘yan Afirka da ke kan gaba ta fuskar yada labarai, samar da shirye-shirye, da kuma yada shirye-shirye na talabijin.

 

Najeriya na daya daga cikin kasashen da aka fi kallon tashar Al Jazeera. Kai tsaye wannan yarjejeniya za ta bada damar fassara shirye-shiryen Al Jazeera zuwa harshen Hausa da kuma yada su ga daukacin masu kallo daga sassa daban-daban na yankin.

GAME DA TASHAR ALJAZEERA ENGLISH: Tashar harshen Turanci ta Al Jazeera tana gabatar da shirin labarun duniya da al’amuran yau da kullum da kuma sa mutane su san halin da ake ciki, wanda ya samo asali ta yin imani da cewa kowa yana da labarin da ya dace a saurara. Ta aikin jaridar da take yi na rashin nuna tsoro da kuma shirye-shiryenta da suka lashe labar yabo, tashar tana bada ingantattun labarai game da mutane a ko’ina, ba tare da la’akari da yankin da suka fito ko kuma al’adunsu ba. Tun daga lokacin da aka kaddamar da tashar a shekarar 2006, tashar Al Jazeera ta harshen Turanci ta samu yabo a fadin duniya bisa nuna rashin nuna son rai da kuma rahotanni na gaskiya, inda ta samu nasarar samun lambobin yabo daga bangarorin aikin jarida da aka fi girmamawa a duniya. Tashar da ke da babban ofishinta a yankin Gabas ta Tsakiya da kuma wakilai a ofisoshinmu 69 da ke fadin duniya, ta kuma dauki wani sabon salo ta fuskar labaran duniya. Daga kasuwannin da suka ci gaba zuwa kasuwannin da ke tasowa, tashar tana kara gundarin abin da ya shafi mutane ta hanyar kasancewa a wajen da abu ke faruwa a gurare da dama. A yau, tashar AlJazeera ta harshen Turanci tana kaiwa ga gidaje sama da milyan 350 a kasashe 150 (Daga watan Fabrairun 2020), inda take yada ingantattun rahotanni da ke fadakarwa, karfafa guiwa da kuma kalubalantar yadda ake kallon abubuwa.

Domin karin bayani, sai ku danna wannan https://www.aljazeera.com/

GAME DA TASHAR AREWA24: Tahsar AREWA24 da shirye-shiryenta, an kafa Tashar AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen hausa, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma wasanni. A yau, tashar AREWA24 tana kaiwa ga mutane sama da milyan 40 masu magana da harshen Hausa a Najeriya da kuma yammacin nahiyar Afirka a kan tauraron dan dan’adam na Eutelsat da ke kan tsarin kallo kyauta, da kuma kan tauraron dan adam na StarTimes da ke kan tsarin biyan kudi (tasha mai lamba 138), da kafafen tauraron dan’adam na kamfanin Multichoice guda biyu da ke kan tsarin biya kudi, wato DSTV (tasha mai lamba 261) da kuma Gotv (tasha mai lamba 101), da kuma tauraron dan adam na Canal+ a kan tsarin biyan kudi (tasha mai lamba #285) a Jamhuriyar Nijar, da Chadi da kuma Kamaru.  AREWA24 na amfana da masu kallo da ke kasancewa da dukkanin shafukanta na yanar gizo a kan AREWA24.com, facebook.com/AREWA24, Instagram.com/AREWA24channel, and twitter.com/AREWA24channel.

 

Domin karin bayani game da AREWA24 sai ku ziyarci https://arewa24.com/company-overview/ ko kuma ku tuntubemu ta wannan adireshi:  info@arewa24.com

streaming service
Post Views: 6,643

AREWA24 Tana murnar cika shekaru 7 da kuma gagarumin sabbin shirye shirye da babu kamar su

28 ga watan Yuni, 2021 – Tashar AREWA24, tashar talabijin da ke kan gaba a fagen shirye-shirye na harshen Hausa masu nishadantarwa da tsarin rayuwa, kuma take da dakin daukar shirye-shirye a Najeriya da ke Yammacin Nahiyar Afirka, tana bukin cika shekaru bakwai da kafuwa, ta hanyar kawowa masu kallonta babban jadawalin sabbin shirye-shirye na harshen Hausa da ba a taba irinsa ba a tarihin tashar. Sabon jadawalin shirye-shiryen na tashar AREWA24 zai fara aiki ne a watan Yuli, kunshe da sabbin wasannin kwaikwayon tashar, da sabon shirin tattaunawa na mata, da sabbin shirye-shiryen yara don “Ilimantarwa da nishadantarwa” masu dogon zango, da sabbin shirye-shiryen wasan kwallon kafa, tare da sauran shahararrun wasannin kwaikwayon tashar AREWA24 da kuma sauran shirye-shiryen da take gabatarwa. Da yawa daga cikin wadannan shirye-shirye za kuma su kasance a kan manhajar AREWA24 On Demand nan take, manhajar tashar da ke bawa iyalai masu Magana da harshen Hausa da ke fadin duniya damar kallon shirye-shiryen Arewacin Najeriya masu nishadantarwa, da al’adu da kuma tsarin rayuwa. A halin yanzu ana ci gaba da daukar sabbin zangon shahararrun wasannin kwaikwayo masu dogon zango na tashar, wato Kwana Casa’in da Dadin Kowa, kuma za a fara nuna su a watan Oktoba.

 

Sabbin wasannin kwaikwayo na Hausa guda uku ne ke kan gaba a cikin sabon jadawalin shirye-shiryen AREWA24: Buka Africana, wani wasan barkwanci da aka shirya a wani gidan cin abinci da ke yankin Arewa ta tsakiya, ko “Buka.” Labarina-zango na-3, sabon zangon daya daga cikin shahararrun wasannin kwaikwayo masu dogon zango na Arewacin Najeriya da kuma Sirrin Boye, wani sabon wasan kwaikwayo da ya kunshi rudani da muggan laifuka. Haka kuma a watan Yuli, tashar AREWA24 za ta fara nuna wani gagarumin sabon shiri tattaunawa na mata, mai suna “Mata A Yau” (Today’s Woman), wanda ya kunshi masu gabatarwa mutum hudu da suka zo daga bangarori daban-daban na rayuwa, kuma masu shekaru daban-daban, da za su tattauna mahimman batutuwan da mata ke fuskanta a halin yanzu a Arewacin Najeriya.

Shugaban Tashar AREWA24, Jacob Arback, yayin da yake bayani game da cigaban da kamfanin ya samu tsawon shekaru bakwai, ya yabawa hukumar gudanar da kuma ma’aikatan kamfanin bisa gagarumin kwazon da suke nunawa a fagen talabijin, da kafafen yada labarai da kuma fasahar kirkira a Arewacin Najeriya. “Mutane da dama ba su fahimci cewa akwai mutane masu magana da harshen hausa sama da milyan 80 a Arewacin Najeriya da kuma yankin Sahel ba, kuma yankin na cike da matasa masu basira a ko’ina. Arback ya kara da cewa, “Sai dai, abin da na fi alfahari da shi, shi ne yadda hukumar gudanarwa da ma’aikatanmu suka tattaru daga bangarori na rayuwa daban-daban, da addinai, da kabilu, da kuma yankunan Najeriya daban-daban suka kasance ma’aikata a Jahar Kano a Najeriya, domin shirya kayatattun shirye-shiryen da ke fitowa daga nahiyar Afirka a yau.”

 

Tashar AREWA24 tana kuma fadada shirye-shiryenta na yara masu Ilimantarwa da kuma nishadantarwa a watan Yuli, A karon farko, an fassara shirin “Sesame Street Friends,” da ya lashe lambobin yabo da dama zuwa harshen Hausa, da dukkanin ‘yan wasan shirin da kuke so, da wasannin barkwanci, da zane mai motsi da kuma wasannin ‘yartsana. Haka kuma shirin Super Sema zai zo a tashar AREWA24 da harshen hausa, wanda shi ne shirin zane mai motsi na jaruman Afirka na farko mai dogon zango da aka shirya shi game da wata matashiyar yarinya da ta ke yin wani aiki na musamman don kare kauyensu da ke Afirka daga wani Azzalumi mara Imani da sojojinsa na butum-butumi masu naci. Jarumar da ta lashe lambar yabo ta Oscar, Lupita Nyong’o, tana daga cikin wadanda aka yi amfani da muryoyinsu a shirin na Super Sema mai dogon zango sannan kuma abokiyar hulda ce ga kamfanin kasar Kenya, Kukua da ya shirya shirin Super Sema. Domin faratawa ‘yan Najeria magoya bayan wasan kwallon kafa, Tashar AREWA24, a jadawalin shirye-shiryenta na watan Yuli, za ta fara nuna wasu sabbin shirye-shiryen wasanin kwallon kafa masu dogon zango, wato “Homage, da “Perfection.”

 

GAME DA TASHAR AREWA24: An kafa Tashar AREWA24 a shekarar 2014 domin cike wawakeken gibin da ake da shi a fagen shirye-shiryen nishadi da tsarin rayuwa da ake shiryawa da harshen Hausa, wadanda ke nuni da abubuwan da ake alfahari da su a rayuwar Arewacin Najeriya, da al’adu, da kade-kade, da fina-finai, da fasaha, da girke-girke da kuma wasanni. A yau, tashar AREWA24 tana kaiwa ga mutane sama da milyan 40 a Najeriya da kuma yammacin Afirka ta tauraron dan dan’adam na Eutelsat na kyauta, da da kafar tauraron dan adan na StarTimes da ake biya (tasha mai lamba 138), da kafafen tauraron dan’adam na kamfanin Multichoice guda biyu da ake biya, wato DSTV (tasha mai lamba 261) da kuma Gotv (tasha mai lamba 101), da kafar tauararon dan’adan ada ake biya ta TSTV (Tasha mail amba 361) da kuma  ta Canal+ da ake biya (tasha mai lamba #285) a kasashen Nijar, Chadi da kuma Kamaru.  Tashar AREWA24 na amfana da masu kasancewa da ita a dukkanin shafukanta  na sada a kan adreshin AREWA24.com, facebook.com/AREWA24, da kuma Instagram.com/AREWA24channel.

Domin yin rijista da tsarin kallo a ko’ina a duniya, wato AREWA24 ON DEMAND, sai ku ziyarci http://tv.arewa24.com ko kuma ku sauke manhajar daga IOS App Store, ko Google Play, ko Apple TV, ko Roku Channel Store da kuma Amazon Fire TV.

 

Domin Karin bayani sai ku tuntubemu  a wannan adreshi: info@arewa24.com

Post Views: 17,684

Tashar AREWA24 za ta nuna shirin “77 Percent” na DW da Harshen Hausa

Shirin “The 77 Percent” – Shirin Talabijin ne da DW ta shirya domin matasa – wanda tashar AREWA24 da ke Najeriya ta  fassarashi zuwa harshen Hausa. Kamar yadda masu daukar nauyin shirin suka bayyana a ganawar su da manema labarai, tashar AREWA24 za ta nuna wannan shirin da harshen Hausa a lokutan da aka fi kallon tashar.

Shirin “The 77 Percent” ya samo sunansa ne daga kason matasan Afirka ‘yan kasa da shekaru 35, sannan aka tsara shi domin nuna rayuwarsu tare da “labarun mahimman abubuwan da suka fuskanta a rayuwarsu”. Shirin na tsawon mintuna 30, an taba nuna shi ne a baya da harsunan turanci da Portuguguese.

Shugaban tashar AREWA24 Jacob Arback, yayin da yake bayani game da karbar shirin, ya bayyana cewa,”Kara shirin “The 77 Percent” a cikin tsarin jadawalin shirye-shiryenmu wata babbar dama ce ga tashar AREWA24 wajen nuna batutuwa na zahiri, da kalubale da labarum nasarori daga matasa a kowanne bangare na fadin wannan nahiya. Muna alfahari da farin ciki da hadin guiwa tare da DW da kuma sadar da wannan shiri mai inganci ga matansamu masu magana da harshen Hausa da kuma iyalansu.”

Daraktan shirye-shiryen Afirka na DW, Claus Stacher, yayin da yake bayani game da kaiwar shirin kashi na 50 a wannan, ya bayyana cewa: “Mun tsara shirinmy ta yadda rukunin matasan da muka yi wannan shiri domin su za su fahimci shirin a matsayin shiri mai kayatarwa, da tsari sannan kuma an yi shi don ‘yan asalin nahiyar Afirka. Tsarin ‘yan Afirka, da tattaunawa da kuma samo mafita yana kara daraja ga abokan hadin guiwarmu na kafafen yada labarai na zamani, da radiyo da talabijin a wannan yanki. Muna da da tabbacin cewa wannan hadin guiwa da tashar talabijin kamar tashar AREWA24 zai kara budede kofofin samun hadin guiwa a nan gaba.

Tushi: DW.COM

streaming service
Post Views: 6,947

AREWA24 na bikin cikarta shekaru shida tare da gabatar da sababbin shirye-shirye

Tashar AREWA24, Tashar talabijin ta Hausa dake kan gaba wajen samar shirye-shirye masu nishadntarwa da nuna tsarin iyali, wadda ke da dakin daukar shirye-shirye a Najeriya dake Yammacin Nahiyar Afirka, tana sanar da wani sabon jadawalin shirye-shirye da kuma kayatattun shirye-shirye domin su dace da bukin cika shekaru shida da kafuwar wannan tasha.

streaming service
Post Views: 8,696

Sabuwar manhajar AREWA24 za ta kai ga Hausawa mazauna kasar waje fiye da mutum miliyan 8 kan kudi Dalar Amurka 4.99 a tsawon wata guda

Tashar Arewa24, tasha ta Hausa ta Arewacin Najriya ta na kaddamar da Arewa24 on Demand, wata sabuwar manhaja ta nuna shirye-shiryenta da ake kira subscription video-on-demand da “Over-the-Top” (OTT) a Turance.  Russell Southwood ya gana da shugaban Arewa24, Jacob Arback kan dalilan kaddamar da wannan manhaja da kuma abunda su ka shirya.

Tashar Arewa24 ta dade tana shirya kirkirar manhaja mai share fage kamar wannan.

Manufarmu ita ce hada kan masu magana da harshen Hausa da ke Arewacin Najeriya, da wadanda ke Najeriya baki daya, da kuma Hausawa mazauna kasashen waje a kan wata kafa domin kallon shirye-shiryen talabijin. Muna tsammanin samun muhimmiyar taskar adana shirye-shirye da suke da ingancin da ake bukata domin yin kafada-da-kafada da sauran shirye-shiryen kashashen duniya.

Arback ya kwatanta manhajar da manhajar “Netflix dan kallon shirye-shiyen Hausa”, wannan yana nufin manhajar ta kunshi shirye-shirye daban-daban wadanda su ka hada da wasannin kwaikwayo da kade-kade da motsa jiki da sauransu. Babu tallace-tallace a ciki haka zalika masu kallo zasu kalli duk abinda suke so kan kudi Dalar Amurka 4.99 tsawon wata guda da kuma kudi Dalar Amurka 48 tsawon shekara.

An kaddamar da manhajar ne a karshen watan Oktoba, za a iya sauke manhajar daga shafin Arewa24 inda za ku samu manhajar da zata dace da wayoyinku masu amfani da tsarin iOS da kuma na Android. Kafar Google Play ta bayyana cewa kawo yanzu, fiye da mutum 500,000 suka sauke manhajar. Haka kuma za a iya samun manhajar a kan kafafen Roku da Amazon Prime haka kuma nan gaba kadan za a iya samun manhajar a kan wasu kafofin.

“Yadda muka tsara shi ne, mukan dora shirye-shirye kyauta kan shafin YouTube tare da sako mai zayyanawa masu kallo cewa zasu koma kallo a kan wannan sabuwar manhajar daga 21 ga watan Nuwamba. Muna so mu fara da masu kallonmu da ke kasashen Saudi Arabia da Sudan da Amurka da kuma na nahiyar Turai” Shugaban ya nuna cewa wannan tsarin ya fi sauki ga masu magana da harshen Hausa da ke ko ina a duniya fiye da tsarin tauraron dan dan’adam.

Arewa24 tana aiki tare da masu shirya fina-finai masu zaman kansu na Arewacin Najeriya wadanda Arback ya kira da ”Hazikan marubuta da suka kware wajen iya bada labari, Arback din ya kara da cewa, babu abun da suke bukata sai jari dan su habbaka su zamo kamar masana’antar Nollywood dake Kudancin Kasar. Muna aiki tare da wasu masu shirya fina-finai wadanda suke shirya fina-finai na musamman.”

Shirye-shiryen da aka fi maida hankali akai su ne rubutattun wasannin kwaikwaiyo da tashar ta shirya. Wasannin sun hada da shararrun wasannin kwaikwayonmu masu dogon zango wato “Kwana 90” da kuma “Dadin Kowa” wanda shi ne shirin wasan kwaikwayo na farko da tasha mai zaman kanta ta shirya. “Za mu samar da wani shirin wasan kwaikwayo a shekara mai zuwa. Masu Magana da harshen Hausa su na son wasannin kwaikwayo. Wasanni ne masu nuni da al’adu da rayuwar yau da kullum amma cikin kyakyyawan tsari.”

Dadin dadawa, sabuwar manhajar za ta kunshi dukkannin shirye-shirye da ke kan tashar wadanda suka hada da shirye-shiryen Hip Hop da na girke-girke da shirye-shiryen yara da na motsa jiki (wanda ya kunshi sharhin Gasar Premier League ta Nahiyayar Turai da manya-manyan gasar kwallon kafa da ake gudanarwa a birnin London wadanda aka juya zuwa harshen Hausa). Haka kuma akwai bangaren takaitattun shirye-shirye wadanda suka kunshi shirye-shiryen yara da wasannin barkwanci da kananun shirye-shirye da kuma gajerun fina-finai. ”Muna da wani shiri da mai’akatanmu na shashen sada zumunta suka tsara wanda suke fita su na tambayar mutane tambayoyi ma su ban dariya.”

Yaya matsalar yanar gizo da ake fuskanta za ta yi tasiri ga wannan manhajar? “Da farko dai manufar wannan manhajar ita ce nishadantar da masu magana da harshen Hausa mazauna kasashen waje. Tasharmu tasha ce da take kai wa kai tsaye ga wasu kebantattun mutane mazauna kasashen waje: Hasashe ya nuna cewa da akwai Hausawa mazauna kasashen waje kimanin miliyan 8 zuwa 10 wadanda ke zama a Saudi Arabia da kuma Sudan. Mazauna Arewacin Najeriya za su iya sauke manhajar kuma za ta zo musu da wani yanayi wanda zai daidaita matsalar yanar gizo da ake fuskanta.”

Ma su kallo mutum nawa ya ke hasashen samu nan da shekara 2-3?. “Ba na ce ba. Yanzu haka muna da masu kallon shirye-shiryenmu a shafin YouTube mutum miliyan 50 amma mun zuba hannun jari kuma muna da kyakkyawan zato game da manhajar.  Za mu rika kawo sababbin shirye-shirye a kullum kuma a kowanne mako. Mu na san mu samar da shiri 11-12 a kowacce rana, dan haka zai yi kyau a samar da wata kafar yada shirye-shirye dan wasu ma su samu damar kallo.”

Wanne irin matakin hannun jari aka zuba cikin wannan manhajar? “Duba ga yanayin tasharmu dai babban hannun jari ne, amma ga matakin duniya an yi abu na azo a gani. Muna so mu zama mu ne na farko wajen kirkirar irin wannan manhajar. Tara shirye-shiryen shi ne abu na farko. Yanzu muna da kimanin sa’o’i Dubu 45. Rabin wadannan shirye-shiryen kadai na aka samu damar dorawa a kan manhajar kasancewar sauran aikin da ya rage ya yi nauyi saboda ingancinsa.”

Scroll to top